Бишкек шаарынын мэри Азиз Суракматов Улуу Британиянын Кыргызстандагы элчиси Чарльз Гаррет менен жолугушту. Бул тууралуу мэриянын басма сөз кызматы билдирди.
Маалыматка караганда, мэр элчиге пандемия учурунда кыргызстандыктарга колдоо көрсөткөндүгү үчүн ыраазычылык билдирди.
Эки тарап экология, цифровизация, инфроструктуралык долбоорлорго инвестициялар боюнча кызматташуу маселесин талкуулашты.
Элчи Ч.Гаррет быйыл шаардын экологиясына өзгөчө маани берилип жатканын байкаганын айтты. Мэрия бир жыл ичинде жаңы 6 сейил бактарын, тротуарларды, инклюзивдик балдар аянтчасын куруп жатканын белгиледи. Ошондой эле, ал шаардык кызматтардын кызматкерлеринин дараметин жогорулатуунун маанилүүлүгүн белгиледи.
Пикирлер (0)
Пикир жок. Сиз биринчилерден болушуңуз мүмкүн