Депутат Азизбек Турсунбаев Айры-Там айыл аймагынын жашоочулары менен жолугушту

Бүгүн, 17-июлда Жогорку Кеңештин депутаты Азизбек Турсунбаев Айры-Там айыл аймагынын жашоочулары менен жолугушууларды өткөрдү. Бул тууралуу ал өзүнүн социалдык баракчасы аркылуу билдирди.

Жергиликтүү тургундар эл өкүлүнө бир катар маселелер боюнча кайрылышкан:

- Ажек айылына суу сактагыч куруп берүү;

- Айры-Там-Ажек унаа жолуна жасалма дөңсөлөрдү орнотуу;

- Т.Балтагулов атындагы лицейге студенттерди авто унаа башкарууга үйрөтүү үчүн оор жүк ташуучу жана жеңил авто унаа алып берүү;

- Ошол эле лицейге автотренажер алып берүү;

- Лицейдин студенттерине авто унаа айдоо боюнча сынакты Ала-Бука районуна ачуу.

- Ажек айылындагы өрт өчүрүүчү ишканасынын штатын чечүү;

- Элдик дарыканаларды көбөйтүү;

- Ажек айылынын Жибек-Жолу көчөсүнө таза суу линиясын орнотуу;

- Ажек айылынын Жибек-Жолу көчөсүнө трансформатор алуу;

- Ажек-Совет-Сай айылдарын тутуштырган унаа өтүүчү жолду тегиздөө жана иретке келтирүү;

- Айры-там айылындагы насос менен берилген сугат суунун жерге сиңип кетүүсүн (потерясын) азайтуу жана жаңы насос алуу;

- Кара-Үңкүр айылындагы жаңы конушундагы тургундарга жаңы электр мамысын алуу.

- №20 Ажек жалпы билим берүүчү мектебине А.Кулуевдин ысымын ыйгаруу;

- Шекафтар айылындагы Шарапканадагы суу келүүчү трубаларды калыбына келтирүү;

- Жаңы-Шаар айылына 100 орундуу бала-бакча куруу;

- Чуст каналынан бөлүнүүчү сугат суунун көлөмүн 8 % көтөрүү;

- Ажек-Совет-Сай унаа жолун асфальттоо;

- Мунапыстын жүрүшүн көзөмөлгө алуу;

- Айыл чарба багытында инвесторлорду тартуу;

- Жаш үй-бүлөлөргө турак-жай салуу үчүн жердин трансформация ишин тездетүү;

- Ажек айылына 120 орундуу бала бакча куруу.

Депутат жогоруда көтөрүлгөн маселелерди тиешелүү мамлекеттик органдарга жеткирип, оң жагынан чечилүүсүнө аракет жасаларын айткан.