Кыргызстанда гимндин жаңы редакциясына музыка жаратуу боюнча сынак жарыяланды. Бул тууралуу Маданият, маалымат жана жаштар саясаты министрлигинен билдиришти.
Буга чейин гимндин текстин жана музыкасын жаңылоого арналган ведомстволор аралык комиссиянын төртүнчү отуруму өткөн. Анда 16-июндан 17-июлга чейин келип түшкөн 132 сунуштун арасынан беш текст тандалып алынганы белгилүү болгон.
Ведомстводон маалымдашкандай, эми сынактын бул этабында ушул беш текстке ылайык, композиторлор, музыканттар жана ырчылар өз музыкалык варианттарын сунушташы керек.
Сынак 8-сентябрга чейин уланат.
Сунуштар Бишкек шаары, Пушкин көчөсү, 8 дареги боюнча Маданият министрлигине жөнөтүлүшү керек.
Комиссия мыкты деп табылган үч музыкалык-тексттик вариантты Жогорку Кеңештин кароосуна киргизет.
Пикирлер (0)
Пикир жок. Сиз биринчилерден болушуңуз мүмкүн