GoBus Ысык-Көлгө дагы эки багытта жаңы каттамдарды ачты

15-июндан тарта GoBus эки жаңы багытты ишке ашырат, деп кабарлайт Туризмди өнүктүрүүнү колдоо фонду.

Бишкектен эми «Ысык-Көл Аврора» санаториясына ыңгайлуу автобус менен жетүүгө болот. Күн сайын эс алуучулар үчүн - Бишкектин Жеңиш аянтынан эртең мененки саат 8де жана Аврорадан - Бишкекке саат 18.00дө жөнөйт. Билеттердин баасы 500 сом.

Дагы бир каттам Тамчыдагы «Ысык-Көл» аэропорту менен «Ысык-Көл Аврора» санаторийинин ортосунда каттап турат. Маршруттук бустардын каттоосу аэропорттогу каттамдардын графигине байланыштуу болот. Жол акысы 300 сом.