Каракол шаарындагы "Актилек +" базарында өрт чыкты. Бул тууралуу ӨКМдан билдиришти.
Билдирүүгө ылайык, бүгүн, 2-июль күнү саат 07:10 чамасында базарда контейнер күйүп жатканы тууралуу 101 кызматына кабарланган. Кырсык катталган жерге Каракол шаардык №15 Өрткө каршы куткаруу бөлүмүнөн 3 бригада тартылды.
Өрт саат 7:55те чектөөгө алынып, азыркы учурда жеринде өчүрүү иштери жүрүүдө. Тилсиз жоодон жабыркагандар жок. Ал эми контейнердин ичинде кийим-кече товарлары болгон.
Азыркы тапта өрттүн келип чыгуу себеби жана чыгымдар такталууда.
Пикирлер (0)
Пикир жок. Сиз биринчилерден болушуңуз мүмкүн