Коронавируска шектелген Дональд Трамп анализ тапшырган жок

АКШнын президентти Дональд Трампта коронавирустун белгилери жок.  Бул тууралуу анын  администрациясы билдирүү таратты.

Буга чейин, Америка кошмо штаттарынын президентти  Дональд Трамп АКШнын конгрессмендери Мэтц Гейтц жана Даг Коллиниз менен баарлашканы айтылган. Ал эми, аталган эки эл өкүлү февраль айынын соңундагы консерваторлордун жыйынында коронавируска чалдыккандар менен баарлашканын айтышкан. Кийин өз каалоолору менен 14 күндүк карантинге кетишкен. 

Гейтц президент Трамп менен бир учакта учса, Коллиниз өлкө башчы менен кол кармашып учурашып маектешкен. 

Бирок АКШ Президенттинин администрациясы Трамп текшерүүдөн өтпөгөндүгүн, аны жеке дарыгери көзөмөлдөп жатканын кабарлады. 

“Президент коронавируска каршы тесттен өткөн жок. Себеби ал ооругандардын эч бири менен узун убакытка баарлашкан жок. Андан вирустун эч кандай белгилери байкалбады. Анын саламаттыгына жеке дарыгери көз салып жатат”, - деп айтылат Трамптын администрациясы тараткан маалыматта.

Эске салсак, коронавирус илдети менен ооругандардын саны АКШда 624 кишиге жетти. Алардын жыйырма экиси көз жумуп, он беши бул дарттан айыккан.