Нарын районунда жаңы 150 орундуу мектептин курулушу башталды

Нарын районунун Жылан-Арык айылында 150 окуучуга ылайыкталган К. Жусупов атындагы жаңы мектептин курулушу башталды.

Курулуш, архитектура жана турак жай-коммуналдык чарба министрлигинен билдиришкендей, долбоор республикалык бюджеттин эсебинен каржыланууда.

Планга ылайык мектеп үч блоктон турат: окуу корпусу, өтмө галерея жана спорттук зал. Объекттин жалпы аянты — 1281 чарчы метрди түзөт.