Шарапаткан Мажитова Казакстанга депутаттарды да жөнөтүүнү сунуштады

Жогорку Кеңештин депутаты Шарапаткан Мажитова Казакстанга аскердик күчтөр менен кошо  5-6 депутатты да жөнөтүүнү сунуштады.

Анын айтымында, азыркы учурда Казакстанга гуманитардык жардам көрсөтүү керек.

"Аскердик күчтөр менен кошо гуманитардык жардам дагы жөнөтүшүбүз керек. Азыр кырдаал тез арада турукташканы жакшы.

Анан 5-6 депутатты да Казакстанга жөнөтсөк",- деди депутат.

Ал эми Камчыбек Ташиев азырынча депутаттардын барганы дурус эмес экендигин белгиледи.