Улуттук коопсуздук мамлекеттик комитетинин төрагасы Камчыбек Ташиев 21-сентябрь күнү Баку шаарында өткөн коопсуздук боюнча III эл аралык форумга катышып, кыргыз-тажик чек арасын тынчтык жолу менен чечүү тажрыйбасы тууралуу доклад жасады. Бул тууралуу УКМКдан билдиришти.
Маалыматка ылайык, иш-чарага дүйнөнүн 60тан ашык өлкөсүнүн коопсуздук органдарынын жана атайын кызматтарынын жетекчилери чогулган. Алар эл аралык жана аймактык коопсуздукту камсыз кылуу маселелеринин кеңири багытын талкуулашкан.
"УКМК төрагасы кыргыз-тажик чек ара маселелерин тынчтык жолу менен жөнгө салуу тажрыйбасы тууралуу баяндама жасады. Ошондой эле дүйнөлүк коомчулукту трансулуттук коркунучтарга каршы күрөшүүдө бирге аракет кылууга чакырды", — деп айтылат маалыматта.
Форумдун алкагында УКМК төрагасы башка өлкөлөрдүн коопсуздук органдарынын жетекчилери менен да жолугушканы белгиленди.
Пикирлер (0)
Пикир жок. Сиз биринчилерден болушуңуз мүмкүн