Тынымсыз жааган жамгырдан улам Япониянын Акита шаарында Тайхэй дарыясы ташкындап кеткендиктен 10 миңге жакын кишини дароо эвакуациялоо буйругу берилди, деп билдирди NHK телеканалы.
NHK телеканалынын маалыматы боюнча, 4,76 миң үйдөн 9,5 миң адам буйрук алган.
Япониянын башкы метеорологиялык агенттигинин маалыматына караганда, Акита префектурасынын бир катар аймактарында жаан-чачындын ылдамдыгы саатына 55 миллиметрдин тегерегинде. 12 сааттын ичинде кээ бир райондордо 200 миллиметрге чейин жаан жааган.
Аба ырайынын маалыматы боюнча, жамгыр ишемби жана жекшемби түнү уланат.
Пикирлер (0)
Пикир жок. Сиз биринчилерден болушуңуз мүмкүн