Февраль айында болгон жер титирөөлөрдөн Түркияга келтирилген зыян 110 миллиард долларды түздү, деп билдирди экология жана шаар куруу министри Мехмет Озхасеки. Анын айтымында, өлкө аймагынын 66% жана жарандардын 71% сейсмикалык кооптуу аймакта калууда, деп жазат Gazete Pencere.
Озхасеки бул теманы парламентте министрликтин 2024-жылдагы бюджетин талкуулап жатканда көтөрдү. Анын айтымында, департамент Стамбулда болушу мүмкүн болгон жер титирөөгө даярдык көрүү үчүн жол картасын даярдаган. «Ал беш жыл ичинде 1,5 миллион имаратты оңдоону камтыйт», - деп тактады министр.
Ал кошумчалагандай, алгачкы этапта 300 миңге жакын үй курууга ниеттенген аймактар тандалып алынган. Министр бул иш качан бүтөөрүн айткан эмес.
Эске салсак, 6-февралда Түркиянын түштүк-чыгышында күчү 7,6 жана 7,7 баллга жеткен жер титирөөлөр катталган. Жер титирөө Сирияда да сезилген. Расмий маалыматтар боюнча 17 миңден ашуун адам каза болгон. 20-февралда эки өлкөнүн чек арасында кайрадан жер титирөө катталган. БУУ жалпы келтирилген зыяндын көлөмү 100 миллиард доллардан ашаарын билдирген.
Пикирлер (0)
Пикир жок. Сиз биринчилерден болушуңуз мүмкүн