Бүгүн саламаттык сактоо министри Алымкадыр Бейшеналиев Улуттук госпиталдын базасында "Эл Аман" мамлекеттик дарыканаларынын ачылыш аземине катышты. Бул тууралуу ведомстводон маалымдашты.
Министр өз сөзүндө Саламаттыкты сактоо министрлигинин калкка жеткиликтүү жана сапаттуу дары-дармек менен кызмат көрсөтүүгө умтулуусун баса белгиледи. "Эл Аман" дарыканалары калкка өлкөдөгү жеке дарыканаларга салыштырмалуу 10-15% арзандатылган, жеткиликтүү баадагы дары-дармектердин түрүн сунуштайт.
Белгилей кетсек, республикада бардыгы болуп 77 мамлекеттик дарыкана иштеп, жеткиликтүү баада сапаттуу дары-дармек менен камсыз кылууда.
Мындан тышкары, "Кыргызфармация" мамлекеттик ишканасы аркылуу эндопротездөө, стент коюу сыяктуу жогорку технологиялык медициналык кийлигишүүлөргө муктаж бейтаптар керектүү протездер жана стенттер менен камсыздалат.
Пикирлер (0)
Пикир жок. Сиз биринчилерден болушуңуз мүмкүн