№136 маршруттук каттамдын кыймылы элдин суранычы менен өзгөртүлдү

№136 маршруттук каттамдын кыймылы жарым-жартылай өзгөртүлдү. Бул тууралуу Бишкек мэриясынын басма сөз кызматы билдирет.

Эми «Трансгрупп-Коммуникэйшн» ЖЧКсы тейлеген каттам Республикалык протездик-ортопедиялык буюмдар мекемеси (РУПОИ) жайгашкан Шабдан көчөсүнөн түштүк тарапка каттайт.

Мындай чечим Арча-Бешик конушунун тургундарынын көптөгөн кайрылууларына, ошондой эле Республикалык протездик-ортопедиялык буюмдар мекемесинин жетекчилигинин жазуу жүзүндөгү кайрылуусуна байланыштуу кабыл алынды.

Бишкек ШИИББи боюнча МККБ тарабынан бекитилгенден кийин бул маршруттук каттам бекитилген жол кыймылынын схемасы боюнча «Ак-Ордо жаңы конушу – Көк-Жар конушу” Шабдан Баатыр көчөсүнө кирүү менен каттайт.