9-июнь күнү Бишкектин айрым райондорунда суу өчүрүлөт (тизме)

9-июнда Бишкектин айрым жерлеринде саат 9:00дөн 23:00гө чейин таза суу убактылуу өчүрүлөт. Бул тууралуу мэрия билдирди.

Бул күнү "Баха" суу өткөргүчүндө оңдоо жана калыбына келтирүү иштери аткарылат.

Суу убактылуу берилбей турган көчөлөр:

Тыналиев, Масалиев, Садырбаев көчөсүнүн Абдрахмановдон Арча-Бешик конушунун батыш чегине чейинки бөлүгү, Айни, Осмонов, Циолковский, Муромская, Гагарин, Псковская-Тыналиев, Сары-Өзөн, Салкын-Төр, Төмөнкү-Орок, Ала-Арча, Арча-Бешик, Плодовое, Калтар конуштары, 105-контур жана Селекция айылы.

Мэрия түзүлгөн ыңгайсыздык үчүн шаардыктардан кечирим сурап, алдын ала суу камдап алууга чакырат.