Алматыга Афганистандан эвакуацияланган 42 киши учак менен алып келинди. Бул тууралуу Казакстандын Коргонуу министрлигинин маалымат кызматы билдирди.
Учак саат 17:00дө конгон. Бортто 25 казакстандык (арасында 10 бала бар) жаран жана Казакстандын Кабулдагы элчилигинин кызматкерлери болгон. Мындан сырткары, кыргыз тараптын өтүнүчү менен 14 кыргызстандыкты ала келишкен.
Эске салсак, буга чейин элчилик Афганистанда жалпы жолунан 23 кыргызстандык бар экенин айткан. Алардын 9у кечээ, 17-августта эвакуацияланган.
Пикирлер (0)
Пикир жок. Сиз биринчилерден болушуңуз мүмкүн