Аксыда Чоң-Наманган каналына түшүп кеткен 12 жаштагы баланын денеси табылды

Аксы районунда Чоң-Наманган каналына түшүп кеткен 12 жаштагы баланын денеси табылды. Бул тууралуу ӨКМдин басма сөз кызматы билдирди. 

Малыматка караганда, 21-июль күнү саат 17:00 чамасында 2008-жылы туулган эркек бала Кум айылындагы Чоң-Наманган каналына түшүп кеткендиги тууралуу маалымат түшкөн.

23-июль күнү издөө иш-чараларын жүргүзүү үчүн ӨКМден жалпы 11 куткаруучу  тартылып, натыйжа болгон эмес. Баланын денеси 1-август күнү түштөн кийин табылган. Жеринде куткаруучулар жана милиция кызматкерлери иш алып барышкан. Каналдан табылган баланын денеси ошол эле күнү жерге берилген.