Жалал-Абад облусунун Аксы районунда мектептин курулушу эки жыл мурун башталган. Бирок каражаттын жетишсиздигинен улам иш убактылуу токтотулган, деп жазат Turmush басылмасы.
К.Алымкулов атындагы мектептин директору Осмон Абылкасымовдун айтымында, 2018-жылы Мукур айылында жаңы мектептин имаратынын курулушу башталды.
Бөлмөлөрдүн саны аз болгондуктан, коридордо окуучуларга үчүн сабактар өтүлөт.
"Мектептин курулушуна 6 миллион сом бөлөбүз дешти, бирок бөлүнгөн жок. Курулуш иштери убактылуу токтотулган. Фундамент гана тургузулган. Биз эски имаратта балдарды окутуп жатабыз. Бөлмөлөр аз, ашкана жок. Азыр 480 бала окуп жатат", - деди ал.
Райондук билим берүү бөлүмүнүн башчысы Эмилбек уулу Таланттын айтымында, мектептин курулушуна 2 жылдан бери бюджеттен акча бөлүнбөй келген.
«Эски мектептин бир бөлүгү 2018-жылы талкаланып, жаңы имарат курула баштаган. Бирок бюджеттен акча бөлүнбөгөндүктөн иш токтоп калды. Азыр балдар коридордо окууга аргасыз болуп жатышат, ал эми мектептин имаратынын өзү эскирип калган », - дейт ал.
Пикирлер (0)
Пикир жок. Сиз биринчилерден болушуңуз мүмкүн