Бишкектин Аламүдүн базарында кайгуул кызматкерлери адашып кеткен 7 жаштагы баланы таап беришти. Бул тууралуу Милициянын кайгуул кызматынан билдиришти.
Билдирүүгө ылайык, 12-апрелде саат 15:30дар чамасында “102” кызматына Салиев жана Алма-Ата көчөлөрүнүн кесилишинде өспүрүм жоголгондугу тууралуу маалымат келип түшкөн.
Айтылган дарекке милициянын кайгуул кызматкерлери келип, маалыматты тактаган. Анда 7 жаштагы Т.Э., аттуу өспүрүм жоголуп кеткендиги жана жакындары аны издеп жаткандыгы аныкталган.
Чакыруу менен келген милициянын кайгуул кызматкерлери ыкчам издөө иш-чараларын жүргүзүп, Аламүдүн базарынан адашып жүргөн баланы таап, апасына аман-эсен жеткирип беришкен.
Пикирлер (0)
Пикир жок. Сиз биринчилерден болушуңуз мүмкүн