Айыл чарба министри быйылкы жыл да айыл чарба үчүн оор боло турганын билдирди

Айыл чарба жана мелиорация министри Аскарбек Жаныбеков 2022-жыл да айыл чарба тармагы үчүн оор боло турганын билдирди.

Анын айтымында, азыркы учурда ирригациялык системаларды калыбына келтирүү үчүн бардык чаралар көрүлүүдө.

"2021-жыл бизге чоң сабак болду. Кайсы жерди оңдош керек, кайсы жерде маселе бар баарын көрсөттү.

Быйыл дагы кургакчылык болсо, айыл чарбага оор зыян келет. Анын алдын алуу максатында 1 миллиард сом бөлүндү. Биз бардык ирригациялык системаларды калыбына келтирип, каналдарды бүтөп, түтүктөрдү орнотсок сууну көп жоготпойбуз. Азыркы учурда мына ошол маселелер боюнча иш жүрүп жатат",- деди министр.