Азия оюндары: Айпери Медет кызы жана Нурзат Нуртаева алтын үчүн күрөшөт

Кытайда өтүп жаткан Азия оюндарында кыргызстандык спортчулар 1/2 финалда беттешке чыгышты. Бул тууралуу сынактын сайтында айтылат.

Айпери Медет кызы (76 килограммга чейин) Тайвандык спортчуну, Нурзат Нуртаева (68 килограммга чейин) монголиялык атаандашын жеңип, финалга чыгышты.

Ал эми Бекзат Алмаз уулу (57 килограммга чейин) Түндүк Кореядан келген атаандашына утулуп, коло медаль үчүн күрөшөт.

Дагы бир кыргызстандык Айсулуу Тыныбекова (62 килограммга чейин) чейрек финалда жапониялык атаандашына утулуп калды. Ал коло медаль үчүн ат салышууга мүмкүнчүлүк алды, анткени япониялык кыз финалга чыкты.