БШК кайсы 7 талапкерге 1 миллион күрөөсүн кайтарат?

Борбордук шайлоо комиссиясы президенттикке аттанган 7 талапкерге 1 миллион сомдук күрөө акчасын кайтарып берет. Бул тууралуу БШК жыйынында айтылды.

Маалыматка ылайык, жалпы шайлоочулардын жок дегенде 1%ынын добушуна ээ болгон талапкерлерге күрөө каражы  кайтарылат. 10-январда өткөн президенттик шайлоодо бул баскычты 7 талапкер басып өткөн.

Добуштардын 79,2 пайызын алган Садыр Жапаров, Адахан Мадумаров - 6,79 пайыз, Бабыржан Төлбаев - 2,36 пайыз, Арстанбек Мыктыбек - 1,69 пайыз, Абдил Сегизбаев - 1,46 пайыз, Имамидин Ташов - 1,7 пайыз жана Клара Сооронкулова - 1 пайыз 1 миллион сомду кайтарып алышат.