Ош облусунун Кара-Суу районунда жол кырсык катталды, деп билдирет ӨКМдин басма сөз кызматы.
Маалыматка караганда, Бишкек—Ош унаа жолунун 617-чакырымында (Жаңы-Арык айылы) «Мерседес-Бенц Спринтер» унаасынын айдоочусу башкаруусун жоготуп, жүк ташуучу «ДАФ» унаасынын артын сүзүп алган.
Кырсыктын кесепетинен 10 адам жеңил жаракат алган. Алардын өздүгү аныкталууда.
Тез жардам кызматы жана куткаруучулар келгенге чейин жабыркагандарды жолдон өтүп бара жаткан унаалар ооруканага жеткиришкен.
Пикирлер (1)