Бишкекте Улуттук коопсуздук мамлекеттик кызматынын жасалма күбөлүгүн алып жүргөн жаран кармалды. Бул тууралуу ИИМден кабарлашты.
"10-январда саат 14:55те Токомбаев жана Нуркамал көчөлөрүнүн кесилишинде мамлекеттик номер жоктугунан "Тойота-Камри" унаасы токтотулган. Автоунаага тиешелүү документтерди текшерүүдө арткы орундукта отурган жүргүнчү Б.А., өзүн УКМКнын кызматкери деп тааныштырып, күбөлүгүн көрсөткөн. УКМК кызматкеринин өздүк күбөлүгү жасалма экени жеринен аныкталды",- деп жазылат билдирүүдө.
Жаран кармалып, учурда тергөө амалдары жүрүп жатат.
Пикирлер (0)
Пикир жок. Сиз биринчилерден болушуңуз мүмкүн