Бишкек шаарынын Ленин районунда "кызыл зоналарда" иштеген медициналык кызматкерлер "Сары-Челек" коругуна эс алууга жөнөтүлдү. Бул тууралуу мэриянын басма соз кызматы билдирди.
Маалыматка караганда, медициналык кызматкерлерди аким Чынасыл Чыныбаев узатты.
"Үч күндүк эс алууга №1 үй-бүлөлүк ден соолук борборунан төрт медик, №2 жана №11 үй-бүлөлүк ден соолук борборунан 4 медик жана №12 борборунан эки медик, №13 борборунан 3 кызматкер жана №17 үй-бүлөлүк ден соолук борборунан эки медициналык кызматкер жөнөтүлдү. Алардын каржылык чыгымдарын Ленин райондук администрациясы Сары-Челек көлүнө жакын жайгашкан "Эверест" эс алуу борбору менен биргеликте көтөрдү", - деп айтылат маалыматта.
Пикирлер (0)
Пикир жок. Сиз биринчилерден болушуңуз мүмкүн