Борбор калаанын мэриясы КР Триатлон федерациясы менен Бишкек шаарындагы №69 мектеп-гимназиясынын бассейнин капиталдык оңдоодон өткөрүү боюнча мамлекеттик-жеке өнөктөштүк келишимине кол койду. Бул тууралуу муниципалитеттин басма сөз кызматы билдирди.
Анын айтымында, суу менен камсыздоо жана чыпкалоо системасын, душтарды, кийим чечүүчү бөлмөлөрдү, машыктыруучу, административдик-техникалык жайларды оңдоо жана модернизациялоо, ошондой эле мектептин спорт залын жана жеңил атлетика ийримдерин оңдоо, аларды заманбап резина каптоо менен жаңылоо пландаштырылууда.
«Иш жакында башталат. Күтүлгөн оңдоо мөөнөтү 5 айдан 7 айга чейин. Ал эми федерация жана өнөктөштөр тарабынан тартылган инвестициянын көлөмү 30 миллион сомдон ашты», - деп айтылат мэриянын маалыматында.
Пикирлер (0)
Пикир жок. Сиз биринчилерден болушуңуз мүмкүн