Бүгүн, 13-октябрда Жогорку Кеңештин депутаттары кезексиз жыйынга чогулат. Бул тууралуу парламенттин басма сөз катчысы Ибрагим Нуракун уулу Фейсбуктагы баракчасы аркылуу билдирди.
Анын маалыматына караганда, жыйын "Ала-Арча" мамлекеттик резиденциясында саат 16:00дө болот.
Буга чейин депутаттар парламенттин кезексиз жыйынында Садыр Жапаровду премьер-министрлик кызматка бекитип беришкен. Кийинчерээк кээ бир эл өкүлдөрү жыйында кворум болбогондугун жана премьер-министрдин бекитилиши мыйзамсыз болгонун айтып чыгышкан.
Азырынча күн тартибинде кайсыл маселелер каралары белгисиз.
Пикирлер (0)
Пикир жок. Сиз биринчилерден болушуңуз мүмкүн