Бүгүнтөн тарта Ахунбаев көчөсүнүн бир бөлүгү унаа кыймылы үчүн жабылат

Бүгүн, 5-августтан тарта Ахунбаев көчөсүнүн Б.Юнусалиев көчөсүнөн Жукеев-Пудовкин  көчөсүнө чейинки бөлүгү унаа кыймылы үчүн жабылат.

Муниципалитеттен билдиришкендей, кыймыл жолду капиталдык оңдоо иштерине байланыштуу токтотулмакчы.

Быйыл Ахунбаев көчөсүнүн 7-Апрель көчөсүнөн Жукеев-Пудовкин көчөсүнө чейинки бөлүгү оңдолууда.

Эске салсак, 2024-жылы Ахунбаев көчөсү Жукеев-Пудовкин көчөсүнөн Ч. Айтматов проспектисине чейин оңдоп-түзөөдөн өткөн.

Бишкек шаарынын мэриясы жарандардан убактылуу ыңгайсыздыктарга түшүнүү менен мамиле кылууну өтүнөт жана тыгындарды болтурбоо үчүн каттамды алдын ала пландап, коомдук транспортту пайдаланууну сунуштайт.