Кайрадан Бишкек мэри болгон Айбек Жунушалиевдин бошоңдугу, ишти илгиртпей алып кете турган идирегинин жоктугу сын-пикирлерди жаратууда. Эки күн кар жааса, шаардагы жолдорду, тротуарларды тазалата албай, шайы кетти. Убагында уюштуруучулук аракетин кыла албай, “кашаңдыгын” көрсөттү. Борборубузду ыш-түтүн каптаганы, машина тыгындары, транспорт тартыштыгы, акыр-чикирлердин убагында тазаланбай калышы, айтор, күнүмдүк жасалчу эле иштер көйгөйгө айланды. Мэр Жунушалиевден инвестиция тартууну, реформа жасоону эч ким күткөн жок. Жөнөкөй гана аткара турган милдеттерин кыла албаганына, мажирөөлүгүнө, боштугуна таңгалып жатабыз. Бизде чыйрак, тажрыйбалуу кадрлар арбын, эмне үчүн аларды электен өткөрүп, татыктуусун мэр кылбайбыз? Баягы эле ичкүйдүлүк, кызганыч болсо керек да...
Булак: "Азия Ньюс" гезити
Пикирлер (0)
Пикир жок. Сиз биринчилерден болушуңуз мүмкүн