Футбол боюнча өлкө чемпиондугун 11-июлда улантуу каралууда

Футбол боюнча Кыргыз Премьер-лигасын 11-июлда улантуу болжолдонууда. Бул тууралуу Кыргыз профессионал футбол лигасынан билдирди.

Маалыматка ылайык, Кыргызстандагы эпидемиологиялык абалдын начарлап кетүүсүн жана командалардын өкүлдөрүнүн саламаттыгын эске алуу менен футбол боюнча өлкө чемпиондугун 11-июлдан баштап жандантуу каралууда.

Белгилей кетсек, буга чейин пандемияга байланыштуу футбол боюнча Кыргыз Премьер-лигасы 17-мартта 1-турдун оюндарынан кийин токтотулган.