Жогорку Кеңештеги «Өнүгүү-Прогресс» фракциясынын мүчөсү, депутат Исхак Масалиевдин ордуна Нургазы Айдаров мандат алды. Бул чечим Борбордук шайлоо комиссиясынын бүгүн, 26-майда өткөн отурумунда кабыл алынды.
Ошондой эле Нургазы Айдаровго депутаттык күбөлүк жана төш белги тапшырылды.
Белгилей кетсек, 21-майда Жогорку Кеңештин депутаты, «Өнүгүү-Прогресс» фракциясынын мүчөсү Исхак Масалиев өкмөттүн тоготпостугуна жана парламенттин соңку чечимдерине нааразылык иретинде мандатынан баш тартып, мөөнөтүнөн мурун ыйгарым укуктарын токтото турганын жарыялаган.
Буга чейин "Медиа центр" мультимедиалык-маалымат агенттигине өздүк булактар Масалиевдин ордуна Айдаров мандат аларын кабарлаган.
Пикирлер (0)
Пикир жок. Сиз биринчилерден болушуңуз мүмкүн