16-февралдан 17-февралга караган түнү болгон катуу шамалдан Тамчы айылындагы “Ысык-Көл” аэропортунун дубалынын бир бөлүгү дагы кулап түштү. Бул тууралуу социалдык түйүндөргө жергиликтүү тургундар жарыялоодо.
Белгилей кетсек, 2023-жылдын 18-мартында ушул эле аэропорттун дубалынын бир бөлүгү катуу шамалга туруштук бере албай кулаган. Ошол кезде президенттик администрациянын маалыматтык саясат бөлүмүнүн башчысы Дайырбек Орунбеков аэропорттун айланасын тосуу боюнча “Кыргызстройсервис” ишканасы жеке подрядчы компания менен келишим түзгөнүн, 18-мартта катуу шамалдан улам бетондоо иштери толук бүтө элек тилкедеги дубал урап калганын билдирген. Дубалды подрядчы фирма өз каражатына кайра калыбына келтире турганы айтылган.
Пикирлер (0)
Пикир жок. Сиз биринчилерден болушуңуз мүмкүн