6-майда Чолпон-Ата шаарындагы ооруканада Ысык-Көлдүн тамырын колдонгон 60 жаштагы киши көз жумду. Бул маалыматты Саламаттыкты сактоо жана социалдык өнүгүү министри Алымкадыр Бейшеналиев тастыктады.
Анын айтымында, адам рак илдетине чалдыккан жана тамырды көптөн бери ичип жүргөн. "Ысык-Көлдө көптөгөн адамдар ушул тамырды ичишет. Бирок бул биз жасаган аконит кайнатмасына эч кандай тиешеси жок”, - деди министр.
Ысык-Көл облустук ички иштер башкармалыгынын басма сөз кызматы билдиргендей, бейтаптын эмнеден көз жумганы азырынча так белгисиз. "Туугандарынын айтымында, ал чындыгында эле аконит тамырын ичкен. Соттук-медициналык экспертиза дайындалды, анын жыйынтыгынан кийин өлүмдүн себеби маалым болот", - деп белгилешти РИИБден.
Пикирлер (0)
Пикир жок. Сиз биринчилерден болушуңуз мүмкүн