Акча опузалоо жана курал-жарактарды, ок-дарыларды мыйзамсыз жүгүртүүгө шектелип Ички иштер министрлигинин каттоосунда турган Камчы Көлбаевдин уюшкан кылмыштуу тобунун жигердүү мүчөлөрү кармалды.
kaktus.media сайтынын маалыматына ылайык, 2020-жылдын 9-июнунда Октябрь райондук ички иштер бөлүмүнө К.А. аттуу жаран азыр менен кайрылып, чала тааныш адамына карата чара көрүүсүн суранган. Арызда айтылгандай, күч колдонуп, коркутуу жолу менен андан 1 миң доллар опузалап алышкан.
Бул факты Октябрь райондук ички иштер бөлүмүнүн Кылмыштар жана жоруктардын бирдиктүү реестерине каттоого алынып, 203-берене (Опузалоо) боюнча кылмыш иши козголуп, соттук өндүрүш башталган.
Милиция кызматкерлеринин ыкчам иликтөө иш-чараларынын жүрүндө Бишкек шаарынан бул кылмышка шектүү болуп Камчы Көлбаевдин уюшкан кылмыштуу тобунун активдүү мүчөсү делген үч жаран кармалды.
Пикирлер (0)
Пикир жок. Сиз биринчилерден болушуңуз мүмкүн