Камчыбек Ташиев Адахан Мадумаровдун иши боюнча үн катты

Адахан Мадумаровдун маселеси боюнча менде юридикалык маалымат жок, деп билдирди УКМКнын башчысы Камчыбек Ташиев 23-январдагы маалымат жыйынында.

Анын айтымында, бул ишти Башкы прокуратура жүргүзүүдө. Аларда иштин бардык фактылары бар.

«Мен юридикалык жактан негиздүү жооп бере албайм. Тергөө иштери жакында бүтөт деп ойлойм», - деди Ташиев.

Белгилей кетсек, Адахан Мадумаров 14, 17 жана 18-январда Башкы прокуратурага тергөө иш-чарасына чакырылган. Мадумаров кыргыз-тажик чек ара маселеси боюнча көрсөтмө бергени айтылган.