2021-жылдын 12-октябрында Нур-Султан шаарында Азиядагы өз ара аракеттенүү жана ишеним чаралары боюнча кеңешмеге катышкан-өлкөлөрдүн тышкы иштер министрлеринин 6-жыйынынын алкагында КР тышкы иштер министри Руслан Казакбаев Борбор Азия мамлекеттеринин тышкы иштер мекемелеринин жумушчу кеңешмесине катышты жана булуңундагы Араб мамлекеттеринин Кызматташтык кеңешинин башкы катчысы Наиф Фалах Аль-Хажраф менен жолугушту.
Жолугушууга Бахрейн Падышалыгынын тышкы иштер министри Абдуллатиф бин Рашид Аль-Заяни да катышты. Ал өлкөнүн атынан учурда бул кеңешке төрагалык кылууда.
Жолугушууда тараптар саясий, соода-экономикалык, туризм жана инвестициялык чөйрөлөрдө аймактар аралык кызматташтыкты өнүктүрүү боюнча пикир алмашышты.
"Борбордук Азия – Булуңундагы Араб мамлекеттеринин Кызматташтык кеңеши" форматындагы жаңы диалог аянтчасын түзүү демилгеси да каралып, талкууланды.
Пикирлер (0)
Пикир жок. Сиз биринчилерден болушуңуз мүмкүн