Тышкы иштер министри Жээнбек Кулубаев Нигерия Федеративдүү Республикасынын Тышкы иштер министрлигинин туруктуу катчысы Дунома Ахмед Умар менен жолукту.
Ведомстводон билдиришкендей, жолугушуу 21-июнда Стамбул шаарында өткөн Ислам кызматташтык уюмунун (ИКУ) Тышкы иштер министрлер кеңешинин 51-сессиясынын алкагында өттү.
Жолугушуунун жүрүшүндө саясий диалогду түзүү, бекемдөө, соода-экономикалык, гуманитардык байланыштарды түзүү жана өнүктүрүү, ошондой эле БУУ жана ИКУ эл аралык уюмдардын алкагында өз ара аракеттенүү маселелери талкууланды.
Тараптар эки жана көп тараптуу кызматташтыкты өнүктүрүүгө өз ара кызыкчылыктарын ырастап, бардык багыттар боюнча активдүү өз ара аракеттенүүгө жана туруктуу байланыштарды сактоого даяр экендиктерин билдиришти.
Пикирлер (0)
Пикир жок. Сиз биринчилерден болушуңуз мүмкүн