Кыргызстанда коронавирустун жаңы штаммы катталган жок

Кыргызстанда коронавирустун британиялык жана түштүк африкалык штаммы (түрү) жок. Бул тууралуу бүгүн саламаттык сактоо жана социалдык өнүктүрүү министри Алымкадыр Бейшеналиев брифингде билдирди.

"Азыр Кыргызстанда коронавирустун мутацияга кабылган түрү жок", - дейт ал.

Бейшеналиев бүгүн коронавируска каршы Кытайдан келген вакцина менен биринчилерден болуп эмделерин билдирди.

"Вакцинаны менин орун басарларым, медкызматкерлер, мугалимдер, чек ара кызматкерлери жана журналисттер алат", - деп кошумчалады ал.