Чүй облусуна караштуу Токмок хатибияты «Биримдик Токмок» коомдук бирикмесинин жааматы менен биргеликте дарыгерлерге жана бейтаптарга ысык тамак уюштурушту.
Муфтияттын басма сөз кызматы билдиргендей, иш-чара алкагында эки түрлүү тамак даярдалып, Токмок шаарынын аймактык ооруканасына, Чүй облустук ооруканага жана күнү-түнү иштеп жаткан шаар ичиндеги стационарга жалпысынан 100 дарыгер жана 300 бейтапка ысык тамак берилди.
“Ушундай кыйын учурда бири-бирибизге камкордук кылуу, биригүү менен жеңишке жетебиз. Жакшылык кылгандардын иш-чарасын Кудай Таалам кабыл кылсын. Буюрса кайрымдуулук иш-чарабыз токтобостон улана бермекчи", - деди Токмок шаарынын баш имам хатиби Имиржан ажы Касымов.
Пикирлер (0)
Пикир жок. Сиз биринчилерден болушуңуз мүмкүн