Коронавирус илдетин дагы 7 дарыгер жуктуруп алды

Бир сутка ичинде 7 медицина кызматкери коронавирус жуктуруп алган. Бул тууралуу 3-майдагы брифингде Саламаттыкты сактоо министрлигинин Коомдук саламаттык башкармалыгынын башчысы Айнура Акматова билдирди.

Маалыматка ылайык, Чүй облусунда – 2 жана Бишкек шаарында – 5 ак халатчан.

Жалпысынан республика боюнча COVID-19 диагнозу менен медициналык кызматкерлер арасында – 207 учур катталды, алардын ичинен 139 медкызматкер стационарлардан айыгып чыккан.