Лейлек районунда рейд учурунда 11 бала тилемчилик кылып жүргөнү аныкталды

Лейлек районунун аймагында “Тилемчилик” иш-чарасында 11 бала аныкталды. Бул туурасында Баткен ОИИБдин Басма сөз кызматы кабарлады.

Маалыматка ылайык, Лейлек РИИБдин коомдук коопсуздук кызматынын кызматкерлери “Тилемчилик” иш-чарасынын алкагында көзөмөлсүз жүргөн, базарларда, коомдук жайларда тилемчилик кылып жүргөн балдарды аныктоо максатында бир топ иштерди аткарды.

Жыйынтыгында 11 бала аныкталып, алардын ата-энелери, мыйзамдуу өкүлдөрү чакыртылып түшүндүрүү иштерин жүргүзүп эскертүүлөрдү берди.

Ал эми Кыргыз Республикасынын укук бузуу кодексинин негизинде 1 ата-энеге протокол толтурулуп, айып пулдар салынды.