М.Ашыров Ак-Бешим айыл өкмөтүнүн башчысы болду

М.Ашыров Чүй облусунун Чүй районунун Ак-Бешим айыл өкмөтүнүн башчысы болуп шайланды. Бул тууралуу БШКнын басма сөз кызматы билдирди. 

Маалыматка караганда, шайлоо санитардык-эпидемиологиялык чараларды сактоо менен 21-сентябрда саат 09:00дөн саат 12:00гө чейин өттү. Ага айылдык кеңештеги 11 депутат толук катышты. Жыйынтыгында катышкан депутаттардын 10у – М.Ашыровго, 1 депутат каршы добуш берген. 

Чүй облусунун Чүй районунун Ак-Бешим айыл өкмөтүнүн башчысын шайлоодо добуш берүүнүн жыйынтыктары жана шайлоонун натыйжасы боюнча арыз, даттануулар түшкөн эмес.