Май айында күйүүчү майдын баасы дагы кымбаттайт

Май айынын ичинде Кыргызстанда күйүүчү-майлоочу майга болгон баа  4 пайызга көтөрүлүшү мүмкүн. Бул тууралуу Нефтетрейдерлер ассоциациясы билдирди.

Маалыматка караганда, 2-майга карата Брент мунайынын баррели 66,82 долларды түзгөн. 

"Такталган маалыматка ылайык, күйүүчү-майлоочу заттын дүң сатуу бааларынын өсүшү Россиянын мунай заттарынын базарында да байкалууда. Ушундан улам, Кыргызстанда да баа өсүшү  мүмкүн”, - деп айтылат билдирүүдө.