Муфтият айт намаздын программасын жарыялады

Муфтият айт намаз Бишкектеги жана өлкө аймагындагы бардык мечиттерде окуларын эскертип, анын программасын жарыялады.

Намаз 20-июль күнү эртең менен окулары белгилүү болгон. Коронавирус күчөп жаткандыгына байланыштуу эски аянтта эмес мечиттерде окуу чечими кабыл алынган.

Программасы:

• 07:00-07:20 — муфтий Замир кары Ракиевдин куттуктоосу жана баяндамасы;
• 
  
• 07:20-07:30 — куттуктоолор;
• 
  
• 07:30 — айт намаз
• 
  

Муфтият айт намазга келген ар бир жаран санитардык эрежелерди так сакташы керектигин айтты:

• - бет каптын болуусу талап кылынат;
• 
  
• - ар бир адамга жайнамазын ала келүү сунушталат;
• 
  
• - мечитте адамдардын ортосунда 1,5 метрлик аралык так сакталсын;
• 
  
• - жарандардын кол алышып, кучакташып көрүшүүсүнө тыюу салынат;
• 
  
• - дааратты үйдөн алуу;
• 
  
• - жаш балдар жана ооругандар, дене табы көтөрүлүп жаткан жарандардын келбей эле коюшу талап кылынат;
• 
  
• - айт намазы мечиттерде окулуп бүткөн соң көп убакытка кармалбай тарап кетүү сунушталат.