Нурланбек Тургунбек уулу Арменияга расмий сапар менен барды

Жогорку Кеңештин Төрагасы Нурланбек Тургунбек уулу Армения расмий сапар менен барды.

Парламенттен билдиришкендей, төраганы Еревандагы Звартноц эл аралык аба майданынан Армениянын Улуттук Жыйынынын Төрагасынын орун басары Акоб Аршакян баштаган жетекчилер тосуп алды.

Эскерте кетсек расмий сапардын алкагында төрага Нурланбек Тургунбек уулу Армениянын Улуттук Жыйынынын Төрагасы Ален Симонян менен эки тараптуу сүйлөшүүлөрдү жүргүзүп, парламенттер аралык кызматташтыкка байланышкан маселелерди талкуулайт. 

Муну менен катар жогорку деңгээлдеги бир катар жолугушуулар да мерчемделген.

Алсак, Төрага Нурланбек Тургунбек уулу баштаган делегациянын курамында депутаттар Бактыбек Сыдыков, Улугбек Ормонов, Мурадил Сыдыков, Ырысбек Атажанов, Эльмурза Сатыбалдиев, Медербек Саккараев жана Жаныбек Кыдыкбаев бар.