Окуучулар эвакуацияланды. Бүгүн Бишкекте кайрадан бир нече мектепте жардыруучу зат коюлганы тууралуу маалымат түшкөн

Бүгүн, 26-апрелде Бишкек шаарындагы бир нече мектепте жардыруучу зат коюлганы тууралуу маалымат түшкөн. 

Маалым болгондой, борбор калаадагы №63, 67, 33, 4 жана Oxford,  "Рифал" эл аралык мектептеринин окуучулары жана мугалимдери жардыруучу зат коюлган деген маалыматтан кийин эвакуацияланган.

Учурда укук коргоо органдары тиешелүү иш-чараларды жүргүзүүдө.

Белгилей кетсек, буга чейин да бир катар мектептерде жардыруучу зат коюлганы тууралуу маалымат түшүп, алардын бири да тастыкталган эмес.