Ошто коронавирус жукканын жашырып, ондогон адамдарга вирус тараткан адамга кылмыш иши козголду

Ош шаарында коронавирус илдетин жашырып жүргөн адамга кылмыш иши козголду. Бул тууралуу Кара-Суу, Ноокат жана Ош шаарынын комендантты Малик Нурдинов билдирди.

Коменданттын айтуусуна караганда 280-берененин негизинде кылмыш иши козголгон

“Россиядан апрель айында келген. Биз буга чейин айтып келгенбиз ооруну жашырбагыла деп. Ал келгенден кийин текшерүүдөн өтпөй, үй-бүлөсү менен карым-катнаш кылып жүрө берген. Ал өз үй-бүлөсүнө жана андан башка 10 адамга илдет жуктурган”, - деди Нурдинов.

Ошондой эле, учурда текшерүү улантылып жатканын айтты.