Протоколго кол коюлду. Ташиев менен Ятимов баштаган кыргыз-тажик делегациясынын кеңешмеси болуп өттү

Улуттук коопсуздук мамлекеттик комитетинин төрагасы Камчыбек Ташиевдин жана Тажикстан Республикасынын Улуттук коопсуздук мамлекеттик комитетинин төрагасы Саймумин Ятимовдун төрагалыгы астында Тажикстан Республикасынын Дүйшөмбү шаарында Кыргыз Республикасынын жана Тажикстан Республикасынын кыргыз-тажик мамлекеттик чек арасын делимитациялоо жана демаркациялоо боюнча өкмөттүк делегацияларынын кезектеги кеңешмеси болуп өттү.   Бул тууралуу Министрлер кабинетинин басма сөз кызматы билдирди.

Кеңешменини жыйынтыгы боюнча тийиштүү протоколго кол коюлду.  

Тараптар кийинки кеңешмени Кыргыз Республикасынын аймагында өткөрүүнү макулдашышты. 

Жолугушуу достук жана өз ара түшүнүшүү манаайында өттү.