Россия коңшу өлкөлөрдүн ичинде болуп жаткан иштерге кийлигишпейт. Бул тууралуу Владимир Путин 28-сентябрда Кыргызстандын президенти Сооронбай Жээнбеков менен жолугушууда билдирди.
Анын пикиринде, ал коңшу өлкөлөрдүн бийлигинин туруктуулукка умтулуусун дайыма колдойт.
"Биз сиздин, Кыргызстандын жетекчилигинин өлкөдөгү ички саясий туруктуулукту бекемдөө боюнча жасаган күч-аракеттерин дайыма колдойбуз. Сиздин бул аракетиңиз уланат деп ишенебиз. Биз сизди мамлекет башчысы катары, Кыргызстанды жана анын элин колдоп, өлкөнүн өнүгүүсү үчүн алдыга койгон ири максаттарды ишке ашырууда колдойбуз", - деди Путин.
Ал Россия тарап өлкөдөгү, анын ичинде шайлоодон кийинки мезгилдеги туруктуулукка кызыкдар экендигин баса белгиледи.
Пикирлер (0)
Пикир жок. Сиз биринчилерден болушуңуз мүмкүн