Президент Садыр Жапаров 20-августта Венгрияга иш сапары менен барат.
КР президентинин администрациясынын тышкы саясат бөлүмүнүн башчысы Муратбек Азымбакиев билдиргендей, Садыр Жапаров Венгриянын премьер-министри Виктор Орбандын чакыруусу менен Будапешт шаарында өтчү Венгриянын улуттук майрамына жана Жеңил атлетика боюнча дүйнөлүк мелдешке (2023-жылдын 19-29-августунда өтөт) катышат.
«Аталган иш-чарага башка мамлекет башчыларынын да катышуусу күтүлүүдө. Иш сапардын алкагында президент Садыр Жапаров Венгриянын премьер-министри Виктор Орбан менен эки тараптуу сүйлөшүүлөрдү жүргүзөт.
Тараптар эки тараптуу кызматташуунун актуалдуу маселелерин, ошондой эле өз ара карым-катнаштын келечегин талкуулашат», - деп билдирди Муратбек Азымбакиев.
Пикирлер (0)
Пикир жок. Сиз биринчилерден болушуңуз мүмкүн