Сен үчүн эшик жабылды! Эрдоган оппозициялык талапкер менен жолугушкан АКШнын элчиси тууралуу пикирин билдирди

Түркия президенти жана президенттикке талапкер  Режеп Тайип Эрдоган АКШнын Анкарадагы элчиси Жефф Флейк үчүн мындан ары президенттин эшиги жабык экенин билдирди. Бул тууралуу түрк маалымат каражаттары кабарлады.

Маалым болгондой, буга чейин Американын элчиси Түркиядагы оппозициялык коалициядан талапкер Кемаль Кылычдароглу менен жолугушкан.

Жолугушууга Эрдоган төмөнкүдөй жооп берди: "Сенин бул жердеги милдетиң, ишиң президент менен. Биздин эшик сен үчүн жабылды. Мындан ары ага жакындай да албайсың",- деди.